Yinkhulu lendzaba
Ngivukile vukani, yinkhulu lendzaba
Nilele? Akusabeli muntfu
Ngumdlwenguli lomuntfu
Ngu malume wam, imphilo yam
Yinkhulu lendzaba
Ngivukile vukani, yinkhulu lendzaba
Nilele? Akusabeli muntfu
Ngumbulali lomuntfu
Ngu babe wam, imphilo ya make wam
Batali bam, lishwa lam
Nilele? Akusabeli muntfu
Yinkhulu lendzaba
Ngivukile vukani, yinkhulu lendzaba
“Ngifikelwe madimoni mine
Angilinga mine
Ngicoleleni bantfwabam ngiyashweleta mine”
Noma ngingacola kute lokuyongibuyela mine
Bengingati mine, nasemaphusheni ami mine
Ngalenye imini ngiyo dlwengulwa mine
Ngidlwengulwe nguwe mine
Yinkhulu lendzaba
Umoya wam uyangishiya
Batsi utovalelwa kulahlwe netikhiya
Lijele nekujeziswa kwakho akuyongisita mine
Bozankosi nekudvonsa iminyaka akuyongisita mine
Lamagama lawa aphuma netinyembeti
Tiyageleta njengemfula logeleta ngentsaba
Lonendzaba uyabona yinkhulu lendzaba
Ngibhala lencwadzi ngibhalela lonendzaba
Yinkhulu lendzaba
Ngivukile vukani, yinkhulu lendzaba
Ngigucile ngiyanicela mine
Simo lesangehlela mine
Ngihlaba umkhosi, ngicela ningilekelele
Lona bengitsembe ngemphilo yam ungijikele
Yinkhulu lendzaba
Ngivukile vukani, yinkhulu lendzaba
Lonendzaba ngicela angisite asisite ngalendzaba
Nilele? Akusabeli muntfu
Ngumdlwenguli lomuntfu
Ngu malume wam, imphilo yam
Nilele? Akusabeli muntfu
Ngumbulali lomuntfu
Ngu babe wam, imphilo ya make wam
Batali bam, lishwa lam
