Nayi inhlitiyo yam'
Nguwe sicalo nesiphetfo semphilo yam'
Nguwe lonendzaba ngetindzaba letephula umphefumulo wam'
Mine nginoma ngingedvwa
Ngitishaya sifuba ngikubongelela ngisho kutsi wena awucedvwa
Ngacedza ngadla ematsambo engcondvo yam'
Ngafunga ngatsi nguwe nguwe sicalo nesiphetfo semphilo yam'
Uyakhumbula ngikwetsela ngikucocela ngetifiso nemaphupho am'
Uyakhumbula ngingingita ngingabata ngebukhulu bemandla am'
Ngingatetsembi ngisho ngitsi nguwe ucekisa emandla am'
Ngatinikela wamamatseka ngesento sam'
Bamba umoya wam'
Nguwe lengimitsembe ngenhlitiyo yam'
Buka, khuta nati titsa tam'
Emehlweni abo awukafaneli kuba nam'
Bangibita ngawo onkhe emagama batitsa tam'
Buka, khuta nati titsa tam'
Abanandzaba bakhwela bayatehlela
Ngakubo kuyehlela ngakimi kuyenyukela
Batsi lutsandvo alunamehlo ngabe luyangibukela
Buka, khuta nati titsa tam'
Nguwe lonendzaba ngetindzaba letiphula umphefumulo wam'
Nguwe sicalo nesiphetfo semphilo yam'
Tsatsa konkhe ushiye kuphela lutsandvo lwakho
Lutsandvo lwakho nelwami lujabhisa titsa tami netakho
Bamba sandla sami nalu lutsandvo lwam'
Kusho mine ngibambe sandla sakho ulidvondvolo lwam'
Kusho mine ngintontomela ngishiya konkhe kuhlupheka kwam'
Nguwe lonetikhiya tenhlitiyo yam'
Uvula ungene ujangaze kuvuke yonkhe imizwa yam'
Nguwe sicalo nesiphetfo semphilo yam'
No comments:
Post a Comment